«Qarjylandyrý kólemi artqannan keıin medısına uıymdarynan túsetin ótinishter men kelisimsharttar sany da eki ese kóbeıedi. Sondyqtan biz satyp alý prosesin de jetildirip jatyrmyz. Bıylǵy jyldyń úshinshi toqsanynda qyzmet kórsetetin kompanııalar bazasyn jasaý, konkýrsqa qatysýǵa ótinish berý, satyp alý prosedýrasy, jetkizýshilerdi irikteý komıssııalarynyń jumysy da tolyǵymen avtomattandyrylady. Bul jumystyń bári elektrondy satyp alýlar portaly arqyly onlaın rejımde júrgiziledi», dedi Aıbatyr Jumaǵulov.
Aıtýynsha, memlekettik tapsyrys sheńberinde satyp alynatyn qyzmetterdi emdeý mekemeleri arasynda bóliske salý jumystarynyń nátıjesi densaýlyq saqtaý salasyndaǵy tólem júıelerine jiberiledi. Sodan keıin Qor men jetkizýshiler arasynda kelisimshart bekitiledi. Bul ózgeristerdiń bári de medısınalyq qyzmetterdi satyp alý prosesiniń ashyqtyǵyn, tıimdiligin qamtamasyz etpek.
«Qazirdiń ózinde Qorda kelisimsharttar men qosymsha kelisimder avtomatty túrde qalyptastyrý fýnksııasy iske qosylǵan. Osy tamyz aıynda qujattardyń bir bóligine sıfrlyq qoltańbanyń kómegimen qol qoıýǵa múmkindik alamyz», dep qorytty MSQ basshysy.
